கல்வித்துறையில் பின்னாடி ! தொழில் துறையில் முன்னாடியாம் ????- குஜராத் அரசு

குஜராத் மாநில பத்தாம் வகுப்பு தேர்வு முடிவுகள் அண்மையில் வெளியாயின. இது குஜராத் மாநில ஆசிரியர்களின் பயிற்றுவிக்கும் திறமையின்மையை பறைசாற்றுவதாக அமைந்திருந்தது. மாநிலம் முழுவதும் 119 பள்ளிகளில் பத்தாம் வகுப்பில் ஒருவர் கூட தேர்ச்சி பெறவில்லை.
கடந்த ஆண்டு 408 பள்ளிகளில் அனைத்து மாணவர்களும் தேர்ச்சி பெற்றிருந்தனர். இந்த ஆண்டு 100 சதவீதம் தேர்ச்சி பெற்ற பள்ளிகளின் எண்ணிக்கை 359 ஆகக் குறைந்துள்ளது. கடந்த ஆண்டு 113 பள்ளிகளில் ஒருவர் கூட தேர்ச்சி பெறவில்லை என்ற நிலையில் இருந்து இந்த ஆண்டு 119 பள்ளிகளில் ஒருவர் கூட தேர்ச்சி பெறவில்லை என்ற மோசமான நிலையையும் அடைந்துள்ளது.
ஒருவர் கூட தேர்ச்சி பெறாத பள்ளிகள் கிராமப்புறத்தில் இருக்கக் கூடும் என்ற எண்ணத்தை தகர்த்து, அகமதாபாத் நகரில் 12 பள்ளிகள், பரோடா மற்றும் சூரத் மாவட்டங்களில் தலா 12 பள்ளிகள், பஞ்சமகால் மாவட்டத்தில் 13 பள்ளிகள் என நகர்ப்புற பள்ளிகளிலும் ஒருவர் கூட தேர்ச்சி பெறவில்லை.மாநிலம் முழுவதும் 1,236 பள்ளிகளில் 0 முதல் 30 சதவீத தேர்ச்சியை மட்டுமே பெற்றுள்ளன. கடந்த ஆண்டு இந்த எண்ணிக்கை 968 ஆக இருந்தது.
தொழில் துறையில் முன்னணியில் இருக்கிறோம் என்று வாய்சவடால் விடும் நர மோடி அரசு, கல்வித்துறையில் பின் தங்கி இருப்பதன் மூலம் அதன் உண்மையான முன்னேற்றம் நன்கு வெளிப்படுகிறது. இவர்கள் பாசிசம் என்ற துறையில் மட்டுமே அபரீத வளர்ச்சிப் பெற்றுள்ளனர் என்பது உலகறிந்த உண்மை .