இஸ்ரேலின் அணுநிலையங்களை தகர்க்க எங்களால் இயலும்: ஈரான்

ஈரானுக்கெதிராக தாக்குதலுக்கு தயாரானால் இஸ்ரேலின் அணுநிலையங்களை தகர்ப்பதற்கு எங்களால் முடியும் என்று ஈரானின் புரட்சிப்படை தளபதி(Islamic Revolution's Guards Corps (IRGC)) முஹம்மது அலி ஜஹ்பரி கூறியுள்ளார்.
ஈரானின் அணு நிலையங்களை தகர்ப்பதற்கு இஸ்ரேலி துணிந்தால் அதற்கு சரியான பதிலடிக்கொடுக்க எங்களுக்கு பலம் உண்டு. கடந்த இரண்டு வருடங்களாக இந்த லட்சியத்தை முன்னிறுத்தி ஈரான் முயற்சிகளை எடுத்து வருகிறது. இஸ்ரேலின் அணுநிலையங்கள் அனைத்தையும் அழிக்க தொலைதூர ஏவுகணைகளை தயார்படுத்தி வைத்திருக்கிறோம். என்று ஜஹ்பரி கூறியுள்ளார்.
ஈரானின் அணுக்கொள்கை மிகப்பெரிய மிரட்டல் என்றும் அதனை தடுக்க ராணுவ நடவடிக்கை உள்ளிட்ட எதனையும் செய்ய தயாராக இருப்பதாக இஸ்ரேல் கூறியிருந்தது. இந்நிலையில்தான் ஈரானின் அரசு புரட்சிப்படையின் வீர முழக்கம் இவ்வாறு வெளிப்பட்டது. இதனை இஸ்ரேலின் ஹாரட்ஸ் இணையதள இதழ் "சியோனிஷ அரசின் எந்த தாக்குதல்களையும் வினாடிகளுக்குள் பதிலடிக்கொடுக்கத்தான் இந்த தயாரிப்புகள். ஈரானை தாக்குதவதற்கு தயாரானால் இஸ்ரேலின் அணுநிலையங்களை தகர்ப்பது உறுதி"என்று ஜஹ்பரி கூறியதாக தனது இணையதளத்தில் வெளியிட்டது.

தேஜ‌ஸ் ம‌லையாள‌ நாளித‌ழ்